"اشتريت عدِّة النحت، بس اكتشفت بعد كده إن مجالها غير مجالنا. بالنسبالي، أنا مابقعدش أعمل قطعة واحدة أروح بيها معرض، أنا باعمل شغل للاستهلاك".

"التطور اللي حققناه ابتدى من الصفر، من الطينة اللي كانت بتيجي من الطمي، ومع الوقت الطينة بقت بتيجي مطحونة من أسوان. البودرة تتحط في أحواض كبيرة مع نسبة كبيرة من الميَّة، وبعدها بتتساب يوم عشان تتخمر"

"بقالي 14 سنة باشتغل في الفخار، وأحلى حاجة بالنسبالي إنّي بحبها، ومافيهاش حاجة صعبة، هي محتاجة طولة بال واحنا طولة البال فينا".

"الرسم على الفخار مالوش حدود، وطول ما دماغك شغالة مش هتوقفي عن إنك تطلعي شغل حلو تبقي راضية عنه".

"في البداية كنا بنشتغل بنشارة خشب، فلقينا وزارة البيئة بتعملنا محاضر، قلنا نستخدم الغاز لإنه صديق للبيئة، فوزارة التموين تقول شغالين بالغاز ليه؟ ويتعملنا محاضر، فتبص تلاقي نفسك محشور بين مفارقة بين وزارتين".

"احنا يعتبر ماعندناش بطالة، أي حد في القرية حتى لو لسه بيدرس بيبدأ يشتغل فيها بجانب دراسته، فتلاقي إن عندنا مفيش كافيتريات".

"اشتريت عدِّة النحت، بس اكتشفت بعد كده إن مجالها غير مجالنا. بالنسبالي، أنا مابقعدش أعمل قطعة واحدة أروح بيها معرض، أنا باعمل شغل للاستهلاك".

"كل قطعة بتتحسب بتقدير معين، وكل منتج مصنوع من الفخار له مقاس ووزن محدد، ماينفعش يتغيَّر".

"الفخار منتج بدائي يدوي، ومع ذلك هو أحسن من منتجات السلستين والتيفال اللي بتيجي من برَّه فيها مواد مسرطنة".

"في شغلنا لازم ايد تسلم ايد، أنا بابدأ الشغل وحد يشطب ورايا أو ابتدي رسمة وأحددها وهي تشطبها بعدي، يعني بنكمل بعض".

"أنا زي البنات هنا في القرية بنشتغل عشان بنساعد أبهاتنا في جهازنا، فاليومية اللي باخدها بديها لبابا، بحاول أساعده، وده مابيضايقنيش بالعكس بيبسطني".