معظم العمال اللي قابلناهم مؤهلات عليا ومتعلمين بس مايعرفوش غير الجبل، ورغم كل اللي شافوه منه مش عاوزين يسيبوه، هما بس عاوزينه يحن عليهم شوية.
"كله على الله، أنا ورايا مصاريف وعندي بيتي ومراتي، لو خوفت هعمل إيه؟
بيقضي العمال فترة راحة كل يوم من 9لـ9:30، بياخدوا فيها وجبة فطار ويرجعوا يكملوا شغلهم. الفطار بيكون عبارة عن طبيخ، حاجات زي اللوبيا والفاصوليا البيضا هتساعدهم ياخدوا طاقة يكملوا بيها يومهم
أنا عمري ما روحت مدرسة، أنا بشتغل هنا وبكسب 70 جنيه في اليوم، بروح بس الكنيسة كل أسبوع وبلعب كورة مع أصحابي.
المحجر بيضم عمال من كافة الأعمار السنية، بما فيها أطفال عندهم 14 و 15 سنة. الأجور ممكن تبدأ من 20 و 30 جنيه في اليوم، وبتوصل ل100 و 120 حسب دورك.
تقطيع الحجارة بيحتاج آلات حادة وضخمة وأسلاك كهربا تشغل الآلات دي بقوة أكتر من 400 فولت. الغلطة بموتة
"عندنا كذا حادثة حصلت، حد مات أو حد حصله بتر. لو مت وأنت بتشتغل هيصرفولك 25 ألف جنيه ولو عجز كلي يصرفلك 10 آلاف جنيه".
"الشغلة دي غير آدمية، بودرة وكاتمة، وآلة حادة شغالة بموتور لو لمست بني آدم يتعور أو يتوفى، غير السلوك العريانة. نعمل إيه طيب؟ هو في شغلانة تانية وأنا ماشتغلتش؟".
الجير الحي بيدخل في صناعة الطوب الأبيض والأسمدة وعلف الحيوانات والسيراميك وحتى الألبان، بسبب نسبة الكالسيوم العالية اللي فيه.
بيبدأ عامل المحجر يومه الساعة 6 الصبح وبينتهي الساعة 1 الضهر وبينهم نص ساعة راحة. مهمة العمال الرئيسية هي تقطيع حجارة الجبل على شكل مكعبات طوب تستخدم في البنا، زيها زي الطوب الأحمر.
يوم في الجبل الأبيض مع عمال محاجر المنيا
من فضلك لف الشاشة
