الفيلم المصري "122" هيكون أول فيلم مصري وعربي، يتعرض في السينمات بتقنية 4DX. التقنية دي بتدي للمشاهد تجربة مختلفة، يعني هتلاقي الكراسي بتتحرك مع مشاهد الأكشن، هتحس بالهوا والمياه اللي بيحس بيها أبطال الفيلم في المشاهد الخارجية، ولو في مشاهد أكل هتشم ريحة الطبيخ عادي كمان. 

الفيلم كمان هيتعرض في دور العرض الأمريكية في عيد الأضحى، إلى جانب عرضه في السينمات المصرية والعربية. فيلم 122 من بطولة طارق لطفي وأحمد داوود وأمينه خليل وأحمد الفيشاوي وتارا عماد ومحمود حجازي وتأليف صلاح الجهيني وإخراج ياسر الياسري. محمد هنيدي من خلال صفحته على فيسبوك، نزل تهنئة للفنان طارق لطفي بمناسبة الفيلم المنتظر.